Տարիքը                                            16 և բարձր
Օտար լեզվի մակարդակը        սկսնակից - վարժ
Ուսման սկիզբը                             ամեն երկուշաբթի /եթե տոն չէ/
Ուսման տևողությունը              2 շաբաթից մինչև 1 տարի
Դասերի ժամաքանակը           շաբաթական 15 ակադեմիական ժամ և ավելի
Ուսանողների թիվը խմբում     1, 4, 8 կամ 12
Լեզուներ: 
Անգլերեն`  Մեծ Բրիտանիայում - Լոնդոն, Օքսֆորդ, Քեմբրիջ, Բրայթոն,   Բորնմութ, Բրիստոլ, Մանչեստեր, Հաստինգս, Թորքի, Էդինբուրգ, Իռլանդիայում - Դուբլին, ԱՄՆ-ում - Նյու Յորք, Բոստոն, Մայամի Բիչ, Լոս Անջելես, Վաշինգտոն, Սանտա Բարբարա, Սան Դիեգո, Սիեթլ, Սան Ֆրանցիսկո, Ավստրալիայում - Սիդնե, Փերթ, Բրիզբան, Մալթայում, Կանադայում - Վանկուվեր, Տորոնտո, Նոր Զելանդիայում - Օքլանդ
Ֆրանսերեն` Ֆրանսիայում - Փարիզ, Նից,
Իսպաներեն` Իսպանիայում - Մադրիդ, Բարսելոնա, Մալագա, Կոստա Ռիկայում, Էկվադորում - Կիտո
Իտալերեն` Իտալիայում -  Հռոմ
Գերմաներեն`  Գերմանիայում - Մյունխեն, Հայդելբերգ
Չինարեն`  Չինաստանում - Շանհայ, Բեյջինգ
Ռուսերեն` Ռուսաստանում - Սանկտ Պետերբուրգ

Դասընթացի նկարագիրը
Դասընթացը նախատեսված է օտար լեզուն բարելավել ցանկացողների համար: Ընդհանուր օտար լեզվի ծրագրերը հնարավորություն են տալիս զարգացնել օտար լեզվին տիրապետելու Ձեր հմտությունները և վստահությունը: Հիանալի տարբերակ է նրանց համար, ովքեր ցանկանում են շրջագայել տարբեր երկրներ, միաժամանակ սովորել կամ խորացնել օտար լեզվի իմացության մակարդակը հետագայում բարձր վարձատրվող աշխատանք ստանալու ակնկալիքով: Դուք հնարավորություն ունեք որոշել դասընթացի տևողությունը, ժամանակահատվածը, բովանդակությունը և վայրը: 16 և բարձր տարիքի անձինք դասընթացներին կարող են մասնակցել ողջ տարվա ընթացքում: Ցանկության դեպքում կարող եք վերցնել նվազագույնը 2 շաբաթյա դասընթացներ կամ մեկ ակադեմիական տարի:
   Ուսման ընթացքում շեշտը դրվում է լեզվի բոլոր չորս հմտությունների զարգացման վրա. կարդալ, գրել, խոսել, լսել, ինչպես նաև քերականություն և բառապաշարի հարստացում: Դասընթացները հարմարեցված են օտար լեզվի իմացության տարբեր մակարդակների համար: Դասընթացները միտում ունեն ուսանողի մոտ մեծացնել օտար լեզվով հաղորդակցվելու վստահությունը, որը մեր բոլոր դասընթացների կարևորագույն նպատակն է: Ուշադրություն է դարձվում նաև արտասանությանը և լեզվական կառույցների ճիշտ կիրառմանը: Դասընթացները նպատակ ունեն օտար լեզվի օգտագործումը դարձնել առավելագույնս վարժ:
   Ընդհանուր օտար լեզվի ծրագրերը ստեղծված են Ձեր պահանջներին համապատասխան: Կնշանակի, որ մասնակիցները կարող են ընտրել ընդհանուր, ինտենսիվ կամ անհատական ծրագրեր:

Դասընթացի նպատակները`

• ձեռք բերել վստահություն օտար լեզվով խոսելիս /քննարկումներ, հարցազրույցներ/.
• ճիշտ գործածել քերականական և շարահյուսական կառույցները.
• զարգացնել բառապաշարը /բառակազմություն, բառակապակցություններ, իդեոմներ/.
• զարգացնել հաղորդակցման հմտություններ
•  արագ և ճիշտ ըմբռնել գրավոր փաստաթղթերը /զեկուցում, հոդված, գիտական նյութ/.
• ներկայացնել գրավոր նյութեր /ակնարկ, թեզ, նամակագրություն, զեկույց/.
• ձեռք բերել օտար լեզվի սահունություն միջազգային քննությունների պատրաստվելու կամ հանձնելու համար:

Դասընթացի կառուցվածքը

• ծրագրված քերականական վարժանք (նպաստում է բանավոր և գրավոր խոսքի հղկմանը).
• թեմատիկ բանավոր դասաժամեր (միտված են զարգացնելու տվյալ լեզվով մտքեր, կարծիքներ արտահայտելու հմտություններ).
• արտասանական վարժանք (օգնում է ճիշտ հնչեցնել տվյալ լեզուն).
• տվյալ լեզվին բնորոշ կառույցների յուրացման ծրագիր (նպատակ ունի ուսանողի մոտ զարգացնել բայերի, նախդիրների և այլնի անսխալ ու վարժ օգտագործում առօրյա կյանքում).
• օտար լեզվի արագ ընկալման վարժանք (միտված է զարգացնելու լեզվի զգացողությունը բանավոր և գրավոր մակարդակներում).
• հաղորդակցման հմտությունների վարժանք (նպաստում է վստահորեն շփվել տվյալ լեզվով).

Դպրոցները և քոլեջները
   Մեր կողմից առաջարկվող բոլոր դպրոցներն ու քոլեջները վայելում են ակադեմիական բարձր համբավ: Միանշանակ իրականանում են ուսանողների ակնկալիքները` խորացնել օտար լեզվի իմացությունը: Դպրոցների ու քոլեջների ուսումնական ծրագրերը բազմաբովանդակ են, հարմարեցված ուսանողների պահանջներին, որքան հնարավոր է արագ և արդյունավետ տիրապետել օտար լեզվին: Սա կատարվում է հստակ մշակված դասարանական և տնային աշխատանքների շնորհիվ: Օտար լեզվի դասերը տեղի են ունենում առավոտյան: Լայն հնարավորություն է ընձեռված նաև օգտվելու համակարգչային աուդիո-վիդեո սենյակներից, գրադարանից, ինտերնետից` ինքնուրույն զարգացնելու լեզվական որոշ հմտություններ: Կեսօրին անցկացվում են սպորտային և մշակութային միջոցառումներ: Երեկոյան զվարճալի ծրագրերն ուղղված են զարգացնելու օտար լեզվով հաղորդակցվելու հմտությունները: Դասընթացներին ավելի իմաստալի և հետաքրքիր շունչ են հաղորդում տեսարժան վայրերի այցելությունները: Հավատացած ենք, որ օտար լեզվի շարունակական օգտագործումը ոչ միայն դասաժամին, այլ նաև ժամանցի ընթացքում նպաստում է դասընթացների հաջողությանը: Դասընթացի վերջում տրվում է վկայական:

Դասընթացին մասնակցելը
   Դասընթացին մասնակցել կարող եք տարվա ընթացքում ամեն երկուշաբթի: Ուսանողներն առաջին օրը հանձնում են թեստ դպրոցում` լեզվի իմացության համապատասխան խմբերում ներգրավվելու համար:

Միջոցառումներ
   Միջոցառումների և էքսկուրսիաների ծրագրերը մեծացնում են դասից դուրս օտար լեզուն յուրացնելու հնարավորությունը: